Urdu Shayari, Urdu Ghazal

Kuch Dino Pehle Miss Muskan Ne Kuch Ashar Bheje the:

Pasand Kiye Gaye,

Lijiye Ab Ek Aur Ghazal Muhlahiza Farmaiye:

Muhabbat aur yeh aansoo

haseen thi zindagi meri

jab saath tumhaara tha

tab dharkan tum the 

ab adhoora hai dil mera

har ek aansoon mei mere

basti hai woh kasmon ki yaadein

cha gaya hai dil mei mere

tumhaari judaai ke andhere

aaj bhi yeh surkh aankhein

idher udher dhoondti hai tumhe

bina tumhaare saath ke

jee nahi sakti hu mei

--

Regards

Muskaan

Urdu Shayari, Urdu Ghazal by R.M. Dixit

Lijiye R.M. Dixit Saheb ki likhi hui ek aur Ghazal Muhlihiza farmaiye:

App Bhi Issi Tarah Apni Tasnifat bhej kar Is Blog main apni Ashar, Nazmain Shay Kara Sakte Hain.

---

Kya keh gayi kisi ki nazer kuch na poonchie

Kya kuch hua hai dil pe aser kuch na poonchie.

Wo dekhna kisika kanakhion se baar baar

Wo baar baar uska aser kuch na poonchie.

Ro ro ke kis tareh se kati raat kya kahen

Mer mer ke jee hai saher kuch na poonchie

Akser khyaale husna main pauche hai mer ke hum

Kyon ker hua hai taye ye safer kuch na poonchie.

--

Ram Mohan Dixit

Urdu Shayari, Urdu Ghazal Kehte Kehte

Janab R.M. Dixit Saheb ne Ghazal Bheji Hain Muhlihiza farmaiye:

Likhte hain:

Hello Hi Every body, I am submitting a

Gazal for your reading and comments:

Mareze Mohabbat unhi ka fasana

sunata raha dum niklte nikelte,

mager jikre shame alam jab se aaya

chirage saher bujh gaya jelte jelte.

Unhe khet main likha tha

dil muntzir hai,

jawab unka aaya, mohabbet na kerte,

tume dil lagane ko kisne kaha tha,

bahel jayega dil bahelte bahelte.

Irada na terke mohabbat ka lekin,

farebe tabssum main phir aagaaye hum,

abhi kha ke thoker sabhel bhi na paye

ki phir khayi thoker sabhelte sabhelte.

Bhala koi vads khilafi ki hed hai,

hisab apne dil main laga ke to dekho,

kayamet ka din aagaya refta refta

mulaqat ka din nikelte nikelte.

Marije Mohabbat uni ka fasana

sunata raha dum nikelte nikelte.

- Qamer Jilyani

Urdu Shayari, Urdu Ghazal, Urdu Sher

I hope Dixit Shaeb is se acha likh pate any ways unhon ne likha hain kuch yun:

Sender: R. M. Dixit

A Gazal Riyaz Miyan ki nazer.

Hi, Riyaz,

Asalam Wailekum. aapne bari jaandaar

shayari pesh ki uske liye Shukriya. Kuch main

aap sub ke liye peshe khidme kerta hoon.Kaisi lagi:

" Ashk chupke se baha ke wo ro lete hain

main jo rota huin to kehte hain kuon rote ho.

Ye ashk to aankhon se behne ke liye hain

jakhme dil ko persakun dilane ke liye hain.

Dil jo roye to aaha nikle hai

ye aaha kaleja jalane ke liye hai.

Ashk main doob ke kyon rota hai

ye ahsk to palkon pe sajane ke liye hain.

Aaha nikle to hoton ko seele

ashk nikle to palkon se peele."

R. M. Dixit

Urdu Ghazal, Urdu Shayari

Badi Taqleef se Qaati jo Manzil Hum ne Qaati hai
Wafa ke Raaste pe Sakht Moshkil moor aye hain
Humari Zindgani hi Wafa ki Dastan ho gi
Janha guzrey Wanha Hum Kehkshaan Choor aye hain

By:Mubaraka khanum

App apni tehrerain comments section main be likh sakteain hain....is blog ko subscribe kijiye aur mazaa ligiye nayi sher aur shayaris ka....

Urdu Ghazal, Urdu Shayari By Sarah Ahmad

Yeh raasta agar lamba hai tou kia hai

Yeh waqt agar guzar jaaye tou kia hai

Iss sooraj ko tou dhalna hai kabhie

Yeh aaj hi dhal jaaye tou kia hai

Iss tadapti dhoop ki pukar suni

Yeh tez leher mein gharoob ho jaaye tou kia hai

Yeh raasta baraf ki tarah hai thanda

Iss par paer phisil jaaye tou kia hai

Ehsaas dard ko ab hota hai nahin

Dil ko koi kuchal jaaye tou kia hai.

- By: Sarah Ahmad.

Agar app bhi issi tarah apni koi tehreer iss blog par chahtain hain tu hamain likhin, aur doston ko bhi batain:

Urdu Shayari-Urdu Ghazal-Judai Shayari

Main lafzon se kuch bhi izhar nahi karta
Iska Matlab ye to nahi ki main tujhe pyar nahi karta

Chahta hu main tujhe aaj bhi
Par teri soch me apna waqt bekar nahi karta

Tamasha na ban jay meri Mohabbat kahin
Isliye apne dard ko Aashakar nahi karta

Jo kuch Mila hai Usi me khush hun
Tere liye Khuda se takrar nahi karta

Par kuch to baat hai teri fitrat me zalim
Warna tujhe chahne ki Khata baar baar nahi karta

Urdu ghazal - Urdu Shayari

Aastino mein naag paale hai,
Loog bemaut marne waale hai,

Raunke jisme sar ba sajda thi,
Us haveli me aaj jaale hai,

Haddiyan choos lenge dunya ki,
Wo zamane ne kutte paale hai,

zakhm bakhshe hai usko phoolo ne,
Jisne pathar nichod dale hai,

Har parinde ki rooh larza hai,
Aise fande soonahre dale hai,

Sheesh mahloon ki aaj khair nahi,
Waqt ne sang wo uchale hai,

Sach ko jhutla diya tha jisne ,
Aaj uski jubaa me chhale hai,

Unko koi samagh nahi sakta,
Unke andaaz hi nirale hai,

Jo bhi katil hamare hai 'shoeb',
Phool se chehre bhole bhale hai.

Urdu Ghazal - Urdu Shayari - Urdu Sher

Na who farishta ho na farishtey jaisa ho
Mujhey talash hai uski jo merey jaisa ho

Merey khulus ko pehchanta ho bus kafi hai
Who koi bhi ho, kahin bhi ho, kesa bhi ho

Meri khatir marney ka hosla bhi rkhta ho
Agar kabhi rooth jaoon mein us sey to

Muskra key manayee, woh aisa ho
Jo baat karey to woh nibha bhi sakey

Iradon mein woh apney chatanon jaisa ho
Dukhon mein hansney ka hunar janta ho

Ik aisa hamsafar jo samandar kitarah gahrah ho
Us key pyaar ki thandak ho merey liye aisi
Key woh to bilkul aasman key chand jaisa ho

Woh sirf mera ho, jo nigahon mein haya rakhta ho
Umar bhar saath chalney ka azam-e-wafa rakhta ho

Jo khwab deney ko qadir ho meri aankhon ko
Meri mohabbat ko pehchan sakay woh aisa ho

Urdu Ghazal - Urdu Romantic Ghazal - Urdu Nazm

Gazab ka husno sabab bekha
zameen par mahtab dekha

Khiza raseeda chaman mein aksar
Khila khila sa gulab dekha

Kisi ke rukh pe parisa gesoo
kisi ke rukh pe nakab dekha

Wo aae milne yakin kar loo
Ki meri aankho ne khwab dekha

Lo tooti tauba lo chhanke sagar
Jo unko peete sarab dekha

Na dekhoo roze hisab ya rab
Zamee pe jitna azab dekha

Milega insaf kaise 'shahid'
sadakto pe nakab dekha.

Urdu Shayari - Urdu Ghazal - Koi Diwar Na Dar......

Koi Dewar na dar rakhta hun
ghar ka ahsas magar rakhta hun

log rakhte hain charagon pe nazr
main hawaon pe nazar rakta hun

kyon na pathrou karen sab mujh par
sakh der sakh samr rakhta hun

ek nai simt janam leti hai
paon main apne jidhar rakhta hun

ye zamin cheez hai kya main Sabir
asmano ki khabr rakhta hun

--
Ayub Sabir

Urdu Shayari - Love Urdu Sher - Urdu Ghazal

Urdu Shayari - Love Urdu Sher - Urdu Ghazal - Farq Sirf Itna Sa Tha

Farq sirf itna sa tha, US ki doli uthi meri maiyat uthi,
phool US per bhi they, phool mujh per bhi they,
mehfil wahan bhi thi , log yahan bhi the,
Un ka hansna wahan, in ka rona yahan,
sahelian us ki bhi thin, dost mere bhi they,
Do qul US k perhey, do qul mere perhey,
Qazi udher bhi tha, moulvi idher bhi tha,
WOH saj k gaya, mujhe sajaya gaya,
WOH uth k gaya, mujhe uthaya gaya,
Farq sirf itna sa tha usey APNAYA gaya, mujhe DAFNAYA gaya….

Urdu Shayari - Urdu Sher - Urdu Ghazal - Urdu Nazm

Yeah Ghazal Kuch Mujhe Chote hui guzri hai. App ki Nazr hai....

ab mere paas tum aayee ho to kya aayee ho
maine maana ke tum ik paikar-e-raanaee ho
chaman-e-daher mein rooh-e-chamanarayee ho
tallat-e-meher ho firdaus ki barnai ho
bint-e-mehtaab ho gardoo se utar aayee ho
mujhse milne mein abandesha-e-ruswaayee hai
maine khud apne kiye ki ye saza paayee hai
ab mere paas tum aayee ho to kya aayee ho

un dino mujpe qayamat ka junoon taari thaa
sar pe sarshaari-o-ishrat ka junoon taari thaa
maahpaaron se mohabbat ka junoon taari thaa
shehri yaaron se raqabat ka junoon taari thaa
bistar-e-makhmal-o-sanjaab thee duniya meri
ek rangeen-o-haseeN khwaab thee duniya meri

kya sunogi meri majrooh jawaani ki pukaar
meri fariyaad-e-jigar doz mera lala-e-zaar
shiddhat-e-kard mein doobi huyee meri guftaar
main ke khud apne mazak-e-tarabgee ka shikaar
wo gudaaz-e-dil-e-marhoom kahan se laaoon
ab mein wo zazba-e-masoom kahan se laaoon

1. ab mere pass tum aayee ho to kya aayee ho

Urdu Shayari - Urdu Sher - Urdu Ghazal

jahan phoolon ko khilna tha wahin khilte to accha tha...
tumhi ko humne chaha tha, tumhe milte to accha tha...
koi akar humse pooche ,tumhe kaise bhoolaya haan..
hazaar zakhum aise the agar silte to accha tha...
tumhi ko humne chaha tha, tumhe milte to accha tha...
tumhain jitna bhoolaya hai tumhare yaad aae hai...

bahaar jo aae hai wohi khushboo hi lae hai...
tumhare lub agar meri khatir silte to accha tha...
tumhi ko humne chaha tha, tumhe milte to accha tha...

mila hai lutf humko bhi haseen yadon ki jhilmil main...
kati hai zindagi tum binmagar itne see hai dil main...
agar atay to accha tha, agar milte to accha tha....
tumhi ko humne chaha tha, tumehe milte to accha tha...

Urdu Shayari - Urdu Sher - Urdu Ghazal - Muhlahiza Farmayie Janab Nazeeruddin Ikram - Ek Ubhrte Hue Shayar

pehle roushni ko tarasne wale,
aaj hain hum shayon se dosti rakhne wale

woh suna chuke hain humein apna faisla,
har sawal ka jawab sawal se dene wale

kyon umeed karke udas karon khud ko,
jhooti ass banaee kwabon mein rehne wale

teri nasseb mein hai sirf sohrat-e-harf,
nahi milenge lafzoon ko mehsoo karne wale

[sohrat-e-harf= fame as a word smith, or fame of letters]

woh laga gaye hain mujh par ilzam kya kya,
rooz fareb, hamesha se ghaat karne wale

koun koun se zakmon ko chupaoon main,
itne gehre hain mere ghaw nahi chupne wale

kya pyar karon ab to nafrat bhi nahi ati,
youn loot gaye mujhe bewafaee karne wale

bech deta hai zamana masihon ko 'Nazeer'
rehbar he the Isa ko saleeb tak pohchane wale

[Judas sold Jesus 'Isa' for 30 peices of gold, he was betrayed by his companion. Saleeb in urdu means cross.]