Urdu Shayari, Urdu Sher

Ajj Kuch Aise Ashar Nazar se Guzre ke bus Dil se wah wah Nikal Padi....

Arz Hain...

PHOL TU PHOL HAIN KALYUN PE NIKHAR AAJAYE
TUM JIDHARSE BHI GUZAR JAWO BAHAAR AAJAYE

SAJ SAWANR KAR KE KABHI DEKHA NA KRO AAYINA
AIYESA NA HU KE KAHEE,N AAYINE KO PEYAAR AAJAYE

Aur Ye hain ajj ka... aur kahen Mashur ho jane wala sher....Pasand Aye tu comments section main Dad zaroor Dijiye ga...ki....

MUNTAZIR SAB MERE ZAWAL KE HAIN
MERE AHBAAB BHI KAMAAL KE HAI

Urdu Shayari, Urdu Nazm - NAWA E INSAANIYAT

Janab Abdullateef Qadri Sahab shahar aur zilaa Chiniot se Hain. App sabhi ke liye nazr hain inki ye Nazm.


Unwaan: NAWA E INSAANIYAT


Kabhi is majlis e aqwaam par aayega woh din bhi!

Kahegaa Ibn e Aadam uth ke "Sun lo! Main bass insaan hoon!

Mera koi naheen mazhab mera bass deen hai sulh e kul!

Na Eisaai hoon main naa hoon Yahudi nae Musalmaan hoon!

Merey jeeney ka maqsad hai faqat behbood e insaani!

Main is duniya mein nafrat ka naheen raahat ka saamaan hoon!

Mere haathon se hogi bass hifaazat haq e insaan ki!

Suno ahl e mazaahib! Main naqeeb e bazm e insaan hoon!"

--

Abdullateef Chinioti

Urdu Shayari, Urdu Nazm, Aduri Raat

Janab JITENDER BHATTI Saheb Ko Muhalihiza Farmaiye.

Likhte Hain.

Aduri Raat

Jab Bhi Jagta Hun Soya Sa lagta Hun Main.
Hosh Main tu hun Behush sa Lagta Hun Main.
Kyon Kissi ne mujh ko sataya hain.
Haste Haste Rota sa lagta hun main.

Adhuri raat hain sapne bhi adhure hain.
Adhuri raat hain sapne bhi adhure hain.
Jag Kar bhi Neend Main Chalta hun main.

Urdu Shayari, Urdu Ghazal

Kuch Dino Pehle Miss Muskan Ne Kuch Ashar Bheje the:

Pasand Kiye Gaye,

Lijiye Ab Ek Aur Ghazal Muhlahiza Farmaiye:

Muhabbat aur yeh aansoo

haseen thi zindagi meri

jab saath tumhaara tha

tab dharkan tum the 

ab adhoora hai dil mera

har ek aansoon mei mere

basti hai woh kasmon ki yaadein

cha gaya hai dil mei mere

tumhaari judaai ke andhere

aaj bhi yeh surkh aankhein

idher udher dhoondti hai tumhe

bina tumhaare saath ke

jee nahi sakti hu mei

--

Regards

Muskaan

Urdu Shayari, Urdu Gazal

Janab Ashraf Anjaan Saheb Ne Jawab Talb Kiya hain.


Likhte Hain:

baithe baithe jo teri yaad chali aati hai...

Dil k veerane me baraat chali aati hai...

Hai bas itni si zamaane ko shikaayat hamse...

kuch b kehta hoon teri baat chali aati hai....

Varna tujhko mai jahaan me khuda banaa deta...

tujhse pehle khuda ki zaat chali aati hai...

Teri aagosh se bikhra hua mai khaar sahi....

tujhse nisbat to meri yaar chali aati hai...

ANJAAN katti hai yunhi charaagh aankho me...

baithe baithe jo teri yaad chali aati hai...

Urdu Shayari, Urdu Gazal

Ek aur shayara maheen hemani Peshe Kidhmet hain.


Likhti hain:


jab tanhai ne gher liya tha mera jiya

tab aaya banke koi dil ka diya

tanhai se pyar ki duniya mei le aaya

ishq ke rang mei khilke deewana bana diya

tabse aankhein dhoondti hai idher udher use

dil khoya rehta hai yaadon mei uske

raat aur din kiya hai bhool chuki hoon mein

bas uske khwabon mei khoyi rehti hoon mein

--

Muskaan  (22/02/      )

Urdu Shayari, Urdu Sher

Mulahiza Farmiye Janab Jamil Akhtar Saheb Ko.

jaag  ja aye gaafil sawera hua
door saare jahan se andhera hua
gam ka manzar pila dia to kia hua
rooh ko rula dia to kia hua

apni zindagi fena ho gaei teri chah main
ab bhi to lelo mujhe apni baah main

phir to gam ka manzar bhi suhana hoga
jab tere Aagosh main sona hoga

Urdu Shayari, Urdu Sher

Ek Naye Shayar Pappu Parihar Kehte Hain.

Khak Dil Mein Mila Diya, Ab Ye Kahtee Hai Kyun Sila Diya.
Gam Ka Manzar Kyun Pila Diya, Rooh Ko Meri Kyun Rula Diya.

खाक दिल में मिला दिया, अब ये कहती है क्यूँ सिला दिया |
गम का मंज़र क्यूँ पिला दिया, रूह को मेरी क्यूँ रुला दिया |

خاک دل میں ملا دیا، اب یہ کہتے ہے کیوں سلا دیا
گم کا منظر کیوں پلا دیا روح کو میری کیوں رلا دیا

Urdu Shayari, Urdu Nazm By Rehana

Lijiye Rehana Sultana To Muhlihiza farmaiye:

App Nawabon ke Saher Hydrabad se hain: Likhti hain, ye sher unke kisi chahne wale tak pahonch jaye:

Dil ki tanhayiyon se zindagi ke raaste nahin kat te,

tumhare bina hamari tanha raatein nahin kat te.

Tumne to apne dil ko rakh diya hai us shaher mein,

Jiske raaste hamari manzil tak nahin pahonjhte.

Apne dil ke raaston ko aise band mat karo,

kyunki usi ki raah se hamari bhi saansein hai guzarte.

Itna rooth kar kaha jaaoge humse,

Aap ke raaste to hamari hi manzil par aaker rukte.

--

Rehana From Hyderabad.

Urdu Shayari, Urdu Ghazal by R.M. Dixit

Lijiye R.M. Dixit Saheb ki likhi hui ek aur Ghazal Muhlihiza farmaiye:

App Bhi Issi Tarah Apni Tasnifat bhej kar Is Blog main apni Ashar, Nazmain Shay Kara Sakte Hain.

---

Kya keh gayi kisi ki nazer kuch na poonchie

Kya kuch hua hai dil pe aser kuch na poonchie.

Wo dekhna kisika kanakhion se baar baar

Wo baar baar uska aser kuch na poonchie.

Ro ro ke kis tareh se kati raat kya kahen

Mer mer ke jee hai saher kuch na poonchie

Akser khyaale husna main pauche hai mer ke hum

Kyon ker hua hai taye ye safer kuch na poonchie.

--

Ram Mohan Dixit

Urdu Shayari, Urdu Ghazal by Jagjit Singh

har traf har jagah bay shumaar aadmi
phir bhi tanhaiyon ka shikaar aadmi

subah se shaam tak bojh dho tha hua
Apni hi laash ka khud mazaar aadmi

har taraf bhagte dodte raaste
har taraf aadmi ka shikaar aadmi

roz jeeta hua roz marta hua
har naye din,naya intezaar aadmi

zindagi ka mukaddar safar dar safar
aakhri saans tak beqraar aadmi
aakhri saans tak beqraar aadmi

Urdu Shayari, Valentine Shayari, Romantic Shayari

Ain Valentine day ke roz Raaj Riyaz saheb ka ye mail muasul Hua:

Muhlihiza farmaiye:

--

Mashah Allah,

 

Apki tareef is zuban se shayad ho hi na payaegi par koshish kar raha hu

Chahat ke paimane hue tere dar ke kareeb

Wo bhi aaj aye the mere ghar ke kareeb

Mai charag banke unke sath sath raha

Wo na samjhe mai raha kyu har ke kareeb.

 

Kuch hume bhi intezaar hai aapki fursat ka

Chahta hu koi hadsa ho jaye meri kudrat ka

Aap jaha bhi hume dekh sake bol sake sab

Wo jagah ho umeed-e-nishan-e-mohabbat ka

 

Allah Hafiz

Riyaz...a dost that never dies.......

Urdu Shayari, Urdu Sher, Sad Sher

Urdu Shayari, Urdu Sher, Sad Sher

Lijiye R.M. Dixit Sheb ne bhi kuch Is tarah hamain mail kiya hain:

Janab Raji Riyaz saheb ne jo gazel
pesh ki wo nihayet hi kaabele tareef
her dil aziz hai. Per ker dil khush
ho gaya aur aah nikel gayi. Wah Janab
Masha Allah. Shaandar peshkesh. Shukriya.

" Wo zaher tumne muje diya,
wo jaher hi na raha,
Ki zindgi he zaher ho jaye to
koi kya kare"
Bahut Khoob.!

Kuch Shers Aapki Nazeer pesh e khidmet"

"Jo zaher pee chuka huin,
tumne mujhe diya,
ab tum to zindgi ki duain
Muje na do."

" Do he lafzon ka tha ye afsana,
jo suna ker khamosh ho baitha
Ibtada ye hai ki tum ko paya tha,
inteha ye hai ki khud ko kho baitha. "

" Sunao kisko afsana
na apna hai na begana,
Likha hai meri kismet,
main Jahan ki thokre khana."

Gujarish hai, nachij ke pesh kiye
sher per ke hausdla afjai kare.
Shukriya.

R M DIXIT

Urdu Shayari, Urdu Sher-o-Shayari, Riyaz-e-mohabbat, Riyaz-e-Zabani

Janab Rajj Riyaz Saheb ne ye khubsurat Ghazal Hamare Nazr ki Hain:

Dad Dijiye:

Riyaz-e-mohabbat, Riyaz-e-Zabani

Har chhehr-e-masumiyat me tera chhehra nazar ata hai
Tu har chhehre me sama jaye to koi kya kare.
Tu jo has de to sama has de aur ye jaha has de
gam me tujhe na rona aye to koi kya kare.
Mehek aisi ki itr ka sagar bhi kam pare
ke har phool tujhe hi mehekaye to koi kya kare
Tujhe chand kahu to mehtaab-e-jaha ko kya kahu
Jab tu hi chand ho jaye to koi kya kare
Maroof tu hai ya mai koi faisla hua hi nahi
Tu hi koi faisla kar jaye to koi kya kare
Ajmato me hum tujhe hi yaad kar ke rote hai
Meri palkhe hi nam na ho to koi kya kare
Wo jeher jo tune mujhe diya wo jeher nahi raha
Ki Zindagi hi zeher ho jaye to koi kya kare
Kya kare koi akhir hai nahi kuch bhi bas me uske
Sab kuch tere hi hawale se chale to koi kya kare.

By Riyaz...a dost that never dies...

Urdu Shayari, Urdu Ghazal Kehte Kehte

Janab R.M. Dixit Saheb ne Ghazal Bheji Hain Muhlihiza farmaiye:

Likhte hain:

Hello Hi Every body, I am submitting a

Gazal for your reading and comments:

Mareze Mohabbat unhi ka fasana

sunata raha dum niklte nikelte,

mager jikre shame alam jab se aaya

chirage saher bujh gaya jelte jelte.

Unhe khet main likha tha

dil muntzir hai,

jawab unka aaya, mohabbet na kerte,

tume dil lagane ko kisne kaha tha,

bahel jayega dil bahelte bahelte.

Irada na terke mohabbat ka lekin,

farebe tabssum main phir aagaaye hum,

abhi kha ke thoker sabhel bhi na paye

ki phir khayi thoker sabhelte sabhelte.

Bhala koi vads khilafi ki hed hai,

hisab apne dil main laga ke to dekho,

kayamet ka din aagaya refta refta

mulaqat ka din nikelte nikelte.

Marije Mohabbat uni ka fasana

sunata raha dum nikelte nikelte.

- Qamer Jilyani

Urdu Shayari, Urdu Ghazal, Urdu Sher

I hope Dixit Shaeb is se acha likh pate any ways unhon ne likha hain kuch yun:

Sender: R. M. Dixit

A Gazal Riyaz Miyan ki nazer.

Hi, Riyaz,

Asalam Wailekum. aapne bari jaandaar

shayari pesh ki uske liye Shukriya. Kuch main

aap sub ke liye peshe khidme kerta hoon.Kaisi lagi:

" Ashk chupke se baha ke wo ro lete hain

main jo rota huin to kehte hain kuon rote ho.

Ye ashk to aankhon se behne ke liye hain

jakhme dil ko persakun dilane ke liye hain.

Dil jo roye to aaha nikle hai

ye aaha kaleja jalane ke liye hai.

Ashk main doob ke kyon rota hai

ye ahsk to palkon pe sajane ke liye hain.

Aaha nikle to hoton ko seele

ashk nikle to palkon se peele."

R. M. Dixit

Urdu Shayari, Urdu Nazm, Urdu Sher

Hamare ek reader ne niche likhe hue es sher ka jawab bheja hain:

Jo koch is tarah hain:

Jawaab By Riyaz....a dost that never dies

Zamane ki bheer me hum bhi tanha the

Aap ne dekha par sher gungunane me reh gaye

Manzar-e-Afsos ab nahi dekha jata mujhse

Ansu shayad mere yu hi anjane me beh gaye

Socha tha humne kehenge unke har asbaab baya

Par shoj-e-haya ke chalte khazana me reh gaye.

Har ek neend se maine tha khudko jagaya

Ab soya hu to armaan is diwane ke deh gaye.

Chalta hu ab ke waqt ho chala hai

Chupke se aye the wo ya chhupane me reh gaye

Aftaab wo jo harkat the is dil ki

Aaj kyu khud ko wo behlane me reh gaye

Allah hafiz

Urdu Shayari, Pasandide Sher >>> Katil Gunah Karke....

Katil Gunah Karke Zamane Main Reh Gaye,
Ek Hum the Ke Asq Bahane Main Reh Gaye,
Patharon Ka jawab De Sakte The Lekin,
Hum Dil Ke Aiane Ko Bachne Mian Reh Gaye.

Urdu Sher, Urdu Shayari, Mashoor Sher

Yeah ek bahut bhi mashoor sher hain app iske shayar ka naam bataiye:

Garmiye Hasrate Nakaam Se Jal Jate Hain.....
Hum Chiragon Ki Tarah Sham se Jal Jate Hain...

Shama Jis Agg Me Jalti hain Nomaish Ke Liye
Hum Usi Agg Main Gumnam se jal jate hain

And the famous one

Jab bhi Aata Hai Tera naam mere Nam Ke Sath
Jane Kyon Log Mere Naam Se Jal Jate Hain.

Urdu Sher, Urdu Shayari, Funny Urdu Shayari

Unhe Yeh Shikayat Hai Humse Ki,
Hum Har Kissi Ko Dekh Kar muskurate hain,

Nashamjh Hain woh kya jane,
Hame to har Chehre main woh hi nazr ate hain.

Lekin Sach main

Ek tir se do kamm hu jate hain. ;)